Ikipe ya Gasogi United yafashe by’agateganyo umwanya wa mbere ku rutonde rwa shampiyona, nyuma yo gutsinda Gorilla FC ibitego 2-1.
Iyi kipe y’umushabitsi Kakooza Nkuliza Charles ‘KNC’ yari yakiriye Gorilla FC kuri Stade ya Bugesera, mu mukino w’umunsi wa 18 wa shampiyona.
Gorilla FC yafunguye amazamu ku munota wa 31 w’umukino ibifashijwemo na Habimana Yves, inasoza igice cya mbere cy’umukino iri imbere n’igitego 1-0.
Byasabye umunota wa 90 w’umukino ngo Gasogi United yishyure igitego yari yatsinzwe ibifashijwemo na rutahizamu Ravel Maxwell Djoumekou; mbere y’uko umunya-Centrafrique Christian Malipangou ThĂ©odore ayitsindira icy’intsinzi ku munota wa 90 w’umukino.
Intsinzi Gasogi United yakuye kuri Gorilla FC yayifashije guhita ifata umwanya wa mbere n’amanota 35; ikaba irusha inota rimwe APR FC ya kabiri.
Ni mbere y’uko iyi kipe y’Ingabo z’Igihugu isura Sunrise FC, mu mukino w’umunsi wa 18 wa shampiyona uzabera kuri Stade ya Nyagatare.
