Perezida Paul Kagame kuri uyu wa Gatatu tariki ya 01 Werurwe 2023, yirukanye ku mirimo Dr Nsabimana Aimable wari Umuyobozi Mukuru wungirije ushinzwe imari n’ubutegetsi mu Ishuri Rikuru ry’Imyuga n’Ubumenyingiro (Rwanda Polytechnic).
Byemejwe na Minisitiri w’Intebe, Dr Edouard Ngirente; mu itangazo yasohoye mu cyimbo cya Perezida Paul Kagame.
Iryo tangazo rivuga ko Dr Nsabimana yirukanwe “kubera amakosa akomeye ndetse n’imyitwarire idahwitse.”
Ibiro bya Minisitiri w’Intebe ntibyigeze bitangaza amakosa uyu mugabo yaba yazize.
