Abantu barenga 400 ni bo bimaze kumenyekana ko bahitanwe n’imyuzure yatewe n’imvura idasanzwe iheruka kwibasira agace ka Kalehe ko mu ntara ya Kivu y’Amajyepfo; mu gihe abarenga 4,000 bakomeje kuburirwa irengero.
Iyi mvura idasanzwe yaguye ku wa Kane w’icyumweru gishize.
Sosiyete Sivile yo muri Kivu y’Amajyepfo yatangaje ko imirambo y’abantu barenga 400 ari yo kugeza ubu imaze kuboneka; mu gihe abantu 4,300 bakomeje kuburirwa irengero.
Ni imibare y’agateganyo bijyanye no kuba umubare nyawo w’abahitanwe n’iriya mvura utaramenyekana.
