Donald Trump wahoze ari Perezida wa Leta Zunze Ubumwe za Amerika n’abandi bantu 18, bakurikiranweho gushaka kwiba amajwi muri Leta ya Georgia, mu matora y’Umukuru w’Igihugu yabaye muri Amerika muri 2020.
Ibirego Trump yarezwe ni ibya kane yashyizweho kuva muri 2020 ubwo yatsindwaga na Joe Biden wamusimbuye ku butegetsi, nyuma yo kukutsinda mu matora y’Umukuru w’Igihugu.
Byitezwe ko agomba kubiburana mbere y’uko amatora y’Umukuru w’Igihugu yo muri 2020 aba.
Mu kirego gishya cyatanzwe n’umushinjacyaha mukuru wo mu gace ka Fulton,Trump ashinjwa kugenda yivanga mu migendekere y’amatora afatanyije n’abandi bantu 18.
Aba barimo uwahoze ari umujyanama we mu by’amategeko, Rudy Giuliani, Mark Meadows, Mark Meadows na Jeffrey Clark bose bari abakozi muri White House.
Trump na bagenzi be kandi bashinjwa kuba “Babizi neza kandi babishaka binjiye mu buriganya bagamije guhindura ibizava mu matora mu buryo bunyuranye n’amategeko babogamiye kuri Trump.”
Mu byo Trump ashinjwa harimo nko kuba yarahamagaye kuri Telefoni Brad Raffensperger wari ukuriye amatora muri Leta ya Georgia amusaba “gushaka amajwi akenewe kuri Trump kugira ngo ace kuri Joe Biden ndetse no kwegukana intsinzi” muri iriya Leta.
Mu gihe uriya wahoze ari Perezida wa Leta Zunze Ubumwe za Amerika yaba ahamijwe ibyo aregwa, we na bagenzi be bashobora guhanishwa igihano gishobora kugera ku gifungo cy’imyaka 20.
