Ikipe ya AFC Leopards iri mu zifite amateka akomeye muri Kenya, irifuza rutahizamu wa Marines FC n’Ikipe y’Igihugu ‘Amavubi’, Gitego Arthur.
Gitego w’imyaka 20 y’amavuko, asigaje amezi atandatu mu masezerano afitanye na Marines FC.
AFC Leopards yasabye Marines FC ko yamubagurisha kugira ngo abafashe kongera kwitwara neza.
Ni Leopards kuri ubu iri ku mwanya wa 14 n’amanota 15, mu mikino 16 ya shampiyona ya Kenya imaze gukina.
Umutoza w’iyi kipe, Thomas Trucha, abona Gitego nk’igisubizo ku kibazo cy’ubusatirizi imaze igihe ifite.
AFC Leopards ibaye ikipe ya gatatu yifuje Gitego Arthur mu mezi byibura 12 ashize.
Ni nyuma ya FC Gagra yo muri Georgia na CA Bizertin yo muri Tunisia, gusa Marines FC yanze kumurekura.
