Abanyabuzima bibumbiye mu ishami ry’umuryango w’Abibumbye ryita ku buzima OMS, rivuga ko mu myaka 26 iri imbere , indwara ya Cancer izaba yariyongereye ku kigero cya 70%.
Ubushakashatsi ku ndwara ya Kanseri bwakozwe n’Ikigo cya (le Centre international de recherche sur le cancer/CIRC), cyagaragaje ko itabi, inzoga, umubyibuho ukabije no guhumana kw’ikirere, biza imbere mu bituma habaho ubwiyongere bw’abarwara kanseri.
OMS igaragaza ko ko nubwo ubuvuzi bwateye imbere cyane muri iyi myaka ishize, ariko bitarakunda kurandura indwara ya kanseri.Mu 2022, abarwaye kanseri hirya no hino ku Isi, bari Miliyoni 20, kandi abagera hafi kuri Miliyoni 10 muri abo yabishe.
Ubushakashatsi bwa OMS bugaragaza ko 2050, hazaba habarurwa abarwayi ba kanseri bashya babarirwa muri Miliyoni 35 ku Isi yose, ni ukuvuga ubwiyongere bwa 77% , ugereranyje n’uko imibare yari imeze mu 2022.
Ni mu gihe Minisiteri y’Ubuzima (MINISANTE), na yo iherutse gutangaza ko hari kansei zimwe na zimwe usanga zishobora kuburizwamo mu gihe umuntu yakoze siporo.
