Nigeria yasabye Polisi mpuzamahanga ubufasha mu guta muri yombi abantu batatu bakekwaho gutegura ubujura bwa miliyoni 6.2 z’amadolari muri banki nkuru y’iki gihugu.
Aya mafaranga ngo yanyerejwe hakoreshejwe imikono mihimbano, harimo n’iy’uwahoze ari Perezida Muhammadu Buhari.
Abayobozi bakeka ubufatanye hagati y’aba bakekwa n’uwahoze ari umuyobozi wa banki nkuru ya Nigeria, Godwin Emefiele, nawe usanzwe akurikiranyweho ibyaha 20.
Abashinjacyaha bavuga ko Emefiele yemeye mu buryo bunyuranyije n’amategeko kurekura amafaranga mu bubiko bwa banki nkuru akayaha abo bacyekwaho gukorana nawe , ariko we akaba abihakana yivuye inyuma avuga ko ari ibihimbano bigamije gutesha agaciro izina rye.
Raporo zivugwa n’ikigo cya Guverinoma gishinzwe amakuru ya Leta n’uwahoze ari umukozi wa banki nkuru, kivuga ko cyamaze gutanga intabaza kuri Polisi mpuzamahanga kugirango bariya bagabo biganye Umukono wa Buhari nabo batabwe muri yombi.
Mustapha wahoze ari umuyobozi wa purezidansi ku buyobozi bwa Buhari, yabwiye urukiko rwa Abuja, ko yaba we cyangwa Bwana Buhari batigeze basinyira umukono ku mpapuro (cheque) ya Miliyoni 6.2 z’amadolari zabikujwe n’aba bagabo.
Aya mafaranga yakuwe kuri konti ya Buhari Mbere gato y’uko Manda ye irangira mu mwaka ishize
