APR FC yatsinze Rayon Sports ibitego 2-0 bya Niyigena Clement Clement na Niyibizi Ramadhan bahita bayirusha amanota 13 ku rutonde rwa shampiyona.
Ni mu mikino Rayon Sports yari yakiriyemo APR FC kuri Kigali Pelé Stadium ku gicamunsi cyo kuri uyu wa Gatandatu tariki ya 9 Werurwe 2024.
APR FC yagiye gukina ari yo iyoboye urutonde n’amanota 55, Rayon Sports ari iya kabiri ifite amanota 45.
Mu mikino 5 yaherukaga guhuza aya makipe, Rayon Sports yatsinzemo imikino 3, APR FC itsinda umwe banganya umwe.
Hari hitezwe kureba niba Rayon Sports ihagarika APR FC yari itaratsindwa muri shampiyona uyu mwaka w’imikino wa 2023-24.
Ku munota wa 4, APR FC yabonye igitego cya mbere cyatsinzwe na Niyigena Clement n’umutwe.
Amakipe yombi yagiye kuruhuka ari 1 cya APR FC ku busa bwa Rayon Sports.
Mu gice cya kabiri, APR FC yashakaga igitego cya kabiri yaje kukibona ku munota wa 79 cyatsinzwe na Niyibizi Ramadhan ku mupira yari ahawe na Bacca.
Nyuma y’iki gitego abafana ba Rayon Sports batangiye gusohoka muri Stade kuko babonaga kwishyura bidashoboka.
Umukino waje kurangira ari ibitego 2 bya APR FC ndetse inakomeza kuyobora urutonde n’amanota 58, irusha Rayon Sports ya kabiri 13 kuko ifite 45.
2 Responses
Rayon Sports ikubitiwe mu rugo na APR FC
Ariko aperi ntiyirare ngonuko idutsinze nayo yibukeko mucyamahoro yasezerewe nagasogi itirata nayo kuko ntawamenya uko bihingutse nonese kusi superikupe siyatsinzwe reyob siyagitwaye ikinwari police siyakibatwaye ibinttbirahinduka ufite nogusanga nubutaha reyo izagaruka ibivuna.
Rayon Sports ikubitiwe mu rugo na APR FC
Bwana perezida wa reyosipor uwayezu jean fider turagusaba ibintukimwe urabonako muruyumwaka wa 2024 dutakaje abakinnyi benshi turagusabango nurya kugura abakinnya uzagure abakinnya bameze mbese kuburyo umuswa azaba ameze nkaruvumbu uko ruvumbu yakinaga urabizi ukagura abakinnyi bamezegutyo kuburyo shampiyona yubutaha tuzayitwara kuko juriye mete numutozamwiza arabura akinnyi.