Kuva mu gitondo cyo ku wa gatatu tariki ya 20 Werurwe 2024, imirwano ikaze yahuje ingabo za Kongo(FARDC) n’Ihuriro ryayo n’abarwanyi ba M23 mu gace ka Bihambwe na Mema.Muri iyi mirwano humvikanye uguturika kw’intwaro ziremereye.
Aka gace ka Bihambwe, gaherereye ku muhanda munini ugana ku murwa mukuru wa teritwari ya Masisi mu bilometero 6 uvuye mu mujyi wa Rubaya.Ntikari gasanzwe kamenyerewemo imirwano itandukanye.
Iyi mirwano ibaye mu gihe mu ntangiro z’iki Cyumweru hari agahenge hagati y’impande zombi nyuma y’uko muri mu mpera z’icyumweru gishize, hafi y’umujyi wa Sake habereye imirwano ikaze yaguyemo aba Wazalendo n’ingabo z’abarundi benshi.
Ku munsi w’ejo kuwa kabiri yo mu Ntara ya Kivu y’Amajyaruguru (FARDC) yari yatangaje ko bidatinze, umujyi wa Rwindi hamwe n’ibindi bice biwugaragiye byo muri Rutshuru, mu ntara ya Kivu y’Amajyaruguru zigiye kuwigarurira.
No muri iyi mirwano yaramutse, amakuru ahari n’uko Ingabo za FARDC arizo zagabye ibitero ariko M23 ikirwanaho inarinda abaturage.
