Kuva tariki ya 11 kugeza tariki ya 20, hateganyijwe ingano y’imvura iri hagati ya milimetero 20 na 120 mu bice bitandukanye by’Igihugu.
Ikigo cy’Igihugu cy’Iteganyagihe METEO-Rwanda, kivuga ko muri iki gice cya Kabiri cya Mata hateganyijwe kugwa imvura itandukanye n’iyari isanzwe igwa.
Ingano y’imvura iteganyijwe izaba iri hejuru gato y’ikigero cy’impuzandengo y’imvura isanzwe igwa, mu bice by’uburengerazuba bw’Igihugu no ku kigero cy’imvura isanzwe igwa mu bice bisigaye by’Igihugu ku kigero cy’impuzandengo y’imvura isanzwe igwa muri iki gice, iri hagati ya milimetero 30 na 100.Imvura iteganyijwe izaturuka ku bushyuhe bwo mu Nyanja y’u Buhinde, hamwe n’imiterere ya buri hantu.
Iyi mvura iteganyijwe cyo kimwe n’iyari imaze iminsi igwa, yaje ikurikira Ubushyuhe bukabije bwumvikanye mu kwezi gushize bikavugwa ko bwaterwaga n’ibice by’izuba byarimo kohereza imirasire ikaze cyane kurusha ibindi.
