Abagize Inteko ishinga amategeko muri Afurika y’Epfo binjiye kuri uyu wa Kabiri mu matora ari gukorwa mu buryo bw’ibanga agamije kureba niba Perezida Jacob Zuma akunzwe ku buryo abereye gukomeza kuyobora igihugu cyangwa akwiye kwegura koko.
[xyz-ihs snippet=”google”]
Ni nyuma y’uko abadepite bo muri iki gihugu bemerewe gukora amatora y’umukuru w’igihugu ariko mu buryo bw’ibanga, gusa nubwo ibigomba kuva muri aya matora bitaratangazwa, amakuru avuga ko Perezida Zuma nta cyizere afitiwe cyo gutsinda kandi ibigomba kuvamo bigaragaza ishusho y’igihugu muri rusange.
BBC dukesha iyi nkuru ivuga ko umuvugizi w’inama y’Inteko ishinga amategeko, Baleka Mbete yatangaje ko ibi biri gukorwa kubera ko mu mezi yashize amashyaka atavuga rumwe na leta yari yasabye ko urukiko rukuru rwakurikirana ibikubiye mu ibwirizwa shingiro.
Aba badepite bemeza ko mu gihe ayo matora akorewe mu ibanga, ariko ko hari Abadepite bo mu ishyaka riri ku butegetsi (ANC), bityo nab o bakaba bagomba gutora uko babyumva kuko hanarimo abashyigikiye ko Perezida Zuma aguma ku butegetsi n’abatabishyigikiye.
Perezida Zuma yagiye asabwa kenshi kuva ku butegetsi n’abatavuga rumwe na we, uyu muperezida akaba yaranashinjwe kenshi gukoresha umutungo w’igihugu mu nyungu ze bwite, gukorana n’abacuruzi bo mu muryango w’abakire wa Gupta n’ibindi, gusa agakomeza agatsimbarara.
[xyz-ihs snippet=”google”]
Umwe mu badepite bari mu Ishyaka riri ku butegetsi, ANC, Makhosi Khoza byavuzwe ko ashobora kwicwa nyuma yaho avugiye ko atazashigikira Perezida Zuma muri ayo matora.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
