Kuri uyu wa Gatatu mu gihugu cya Kenya zahinduye imirishyo nyuma y’umunsi umwe amatora ya perezida abaye, aho mu murwa mukuru, Nairobi ndetse no mu bindi bice nka Kisumu mu masaha ya nyuma ya saa sita hatangiye ibikorwa by’imyigaragambyo by’abatavuga rumwe n’ubutegetsi bamagana ibyavuye mu matora bavuga ko ” Nta Raila, nta mahoro “.
[xyz-ihs snippet=”google-pub”]
Ibi bibaye nyuma y’aho umukandida Raila Odinga wari uhanganye na Uhuru Kenyatta, atangarije ko amatora yabayemo uburiganya, bwakozwe n’abahanga mu kwinjira mu mabanga abitse muri mudasobwa bakoresheje imibare y’ibanga y’umukozi wa komisiyo y’amatora uherutse kwicwa, bagahindagura ibyavuye mu matora.
Nyuma rero y’uko Odinga avugiye ibi kuri televiziyo, abamushyigikiye mu burakari bwinshi bahise bigabiza imihanda yo muri Nairobi na Kisumu batangira gutwika amapine, bashing za bariyeri ndetse batangira guhangana n’abapolisi. Ikinyamakuru The Independent kiravuga ko igipolisi cyanarashe mu baturage bigaragambya muri Kisumu ndetse umwe akahasiga ubuzima.
Biravugwa ko abigaragambya bari kugenda baririmba bagira bati: “ Nta Raila, nta mahoro ”. Ibi akaba ari nabyo baririmbaga nyuma yo gutsindwa amatora kwa Raila Odinga mu 2007 hakavuka ubushyamirane bukomeye mu gihugu.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
