Umucamanza uburanisha urubanza ruregwamo Wema Sepetu, wabaye nyampinga wa Tanzania muri 2006, yatangaje ko urubanza rw’uyu nyampinga rusubikwa hakabanza gupimwa inkari ze ngo hazarebwe niba akoresha ibiyobyabwenge.
Kuva muri Gashyantare 2017, Wema Sepetu aregwa gucuruza no gukoresha ikiyobyabwenge cyo mu bwoko bw’urumogi .
Mu gihe ubushinjacyaha buvuga ko hari abandi batangabuhamya bategerejwe bemeza ko Wema akoresha urumogi, yaba abo bazatanga ubuhamya ndetse n’izi nkari zizifashishwa nk’ikimenyetso, bizashyirwa ahagaragara ubwo uru rubanza ruzaba rusubukuwe tariki ya 15 n’iya 16 Kanama 2017.
[xyz-ihs snippet=”google-pub”]
Thomas Simba niwe mucamanza uburanisha Sepetu, yaba we ndetse na nyir’ukuburana n’umwunganizi we bemeranyijwe ko uru rubanza, ruba rusubitswe hakabanza gupimwa inkari za Wema, nizo zizatanga ikimenyetso simusiga ko akoresha urumogi cyangwa ntarwo akoresha.
Kanda hano ujye ubona amakuru yihuse kandi kugihe kuri Facebook no kuri twitter
Jean de Dieu Dushimimana/Bwiza.com
Â
