Ibirori byo gutaha sitade Amahoro byashyizwe ku wa Mbere tariki 1 Nyakanga 2024 hakinwa umukino wa APR FC na Police FC.
Mu gutaha iyi sitade yavuguruwe igashyirwa ku rwego rwo kwakira abafana ibihumbi 45 hazakinwa umukino wa gicuti.
Uyu mukino uzahuza Police FC yatwaye igikombe cy’Amahoro na APR FC yatwaye igikombe cya shampiyona y’icyiciro cya mbere mu Rwanda 2023-24.
Biteganyijwe ko uyu mukino uzahuza APR FC na Police FC uzaba saa kumi n’imwe z’umugoroba nk’uko byemejwe na FERWAFA.
Uyu muhango uzitabirwa na bamwe mu bayobozi bakuru b’Iguhugu, hanatumiwe abayobozi ba ruhago mu nzego zitandukanye (FIFA, CAF, CECAFA).
Hari hifujwe ko Rayon Sports yakina na APR FC muri gutaha iyi sitade gusa yo yatangaje ko itari yitegura neza.
