Perezida Paul Kagame kuri uyu wa Gatanu tariki ya 13 Nzeri, yagize Mirembe Alphonsine Umuyobozi wungirije w’ibiro bye.
Mirembe yakoze imirimo itandukanye irimo kuba Umuyobozi w’Ibiro bya Minisitiri w’Intebe ndetse n’Umunyamabanga Uhoraho mu biro bya Perezida wa Repubulika.
Itangazo Minisitiri w’Intebe, Dr Edouard Ngirente yasohoye mu izina rya Perezida Paul Kagame ni ryo rivuga ko yagizwe Umuyobozi wungirije w’Ibiro by’Umukuru w’igihugu.
Ni inshingano Mirembe wasimbuye Juliana Kangeli Muganza agomba kungirizaho Uwineza Valens wagizwe umuyobozi wabyo mu Ukuboza 2023.
