Umukuru w’ihuriro ry’amashyaka ritavuga rumwe na leta muri Kenya(NASA), Raila Odinga yatangaje ko atiteguye kwitaba amatora y’umukuru w’igihugu agiye gusubirwamwo muri icyo gihugu.
Odinga yavuze ko yifuza ko hafatwa ingingo zijyanye n’amategeko hamwe n’ Itegeko Nshinga mbere y’uko yemera kwitaba ayo matora.
Uyu mugabi asaba ko haba impinduka muri Komisiyo Ishinzwe Amatora muri icyo gihugu, iherutse gushinjwa n’Urukiko rw’Ikirenga ko yakoresheje amatora adakurikije amategeko bituma atemerwa.
Odinga akomeza avuga ko atayifitiye icyizere.
Kuri uyu wa mbere tariki ya 4 Nzeri 2017, Komisiyo y’Amatora yatangaje ko amatora mashya y’umukuru w’igihugu azaba tariki 17 Ukwakira uyu mwaka.
[xyz-ihs snippet=”google-pub”]
Umukuru w’iyi komisiyo Wafula Chebukati yavuze ko ayo matora azaba arimo abantu babiri gusa, Perezida Uhuru Kenyatta hamwe n’uwahoze ari Minisitiri w’Intebe Raila Odinga.
Kanda hano ubone amakuru yihuse kandi ku gihe kuri Facebook no kuri twitter
Ntakirutimana Deus/Bwiza.com
