Ahagana saa yine z’ijoro ryo ku wa Gatandatu tariki ya 16 Nzeri 2017, umugabo yatwikiye abana be 2 mu nzu, bahita bapfa.
Ayo mahano yabereye mu gace ka Rubirizi muri Mutimbuzi mu gihugu cy’u Burundi, umubyeyi w’aba bana akaba yaratawe muri yombi na polisi, ari nayo yatangaje aya makuru ariko icyaba cyaramuteye kubuza ubuzima aba bana kikaba kitaramenyekana mu gihe agitegereje kugezwa imbere y’urukiko.
[xyz-ihs snippet=”google-pub”]
Mu cyegeranyo cyashyizwe hanze n’umuryango SOS-Torture, kigaragaza ko mu cyumweru gishize abantu 7 bishwe mu buryo butandukanye mu Burundi.
Uyu muryango uvuga ko umuntu umwe yasanzwe yapfuye mu ntara ya Ruyigi, abandi bane bicirwa muri Kinama mu gitero cyagabwe n’abantu bitwaje intwaro.
Kanda hano ubone amakuru yihuse kandi ku gihe kuri Facebook no kuri twitter
Nsengiyumva Philippe/Bwiza.com
