Abajyanama b’ubuzima bo mu karere ka Karongi bujuje umuturirwa wa miliyoni 350 z’amafaranga y’u Rwanda yubatswe hifashishijwe imisanzu yabo n’inkunga bahawe na Minisiteri y’Ubuzima.
Iri nyubako yiswe ‘Agaciro Legacy, ikorerwamo ibikorwa by’ubucuruzi yatashwe ku wa Gatanu tariki ya 22 Nzeri 2017 na Minisitiri w’Ubuzima Dr Diane Gashumba. Biteganyijwe ko izajya yijiza miliyoni zisaga 95 ku kwezi.
Aba bajyanama bahereye ku mafaranga y’inkunga bahabwa na Minisiteri y’ubuzima biciye mu buryo besa imihigo yabo, yitwa PBF(performance based financing -PBF).
Dr Gashumba yashimye iki gikorwa cy’indashyikirwa aba bajyanama bagezeho.
Ati “ Mu izina rya Nyakubahwa Minisitiri w’intebe Dr Ngirente Edouard ndashimira igikorwa cy’inzu Agaciro Legacy Abajyanama b’ Ubuzima biyubakiye.”
Abajyanama b’ubuzima hirya no hino mu Rwanda bemerewe na Perezida Paul Kagame imbaraga z’imiraisre y’izuba. Zizahabwa abasaga 32,200 zifite agaciro ka miliyari na miliyoni zisaga 600. Iki gikorwa nacyo cyatashywee ku mugaragaro na Minisitiri w’Ubuzima ahereye muri aka karere. Izi mbaraga zizatuma banoza zimwe muri servisi batangira mu ngo, cyane ku badafite amashanyarazi.
Mu karere ka Karongi hari imiryango y’ abajyanama b’ubuzima basaga 1 600, imyinshi muri yo yamaze gucanirwa kuko hasigaye idasaga 70 itarabona izi mbaraga z’imirasire y’izuba.
Kanda hano ubone amakuru yihuse kandi ku gihe kuri Facebook no kuri twitter
Ntakirutimana Deus @Bwiza.com
