Irani iravuga ko yagerageje igisasu cyo mu bwoko bwa misile, mu rwego rwo guhangara perezida wa Leta Zunze Ubumwe za Amerika Donald Trump.
Igeragezwa ry’igisasu cyiswe Khoramshahr, kigenda ku bilometero 2.000 cyerekanwe kuri televiziyo ya leta. Ntibizwi neza igihe igerageza ryabereye.
Ku wa Kabiri mu nteko rusange y’Umuryango w’Abibumbye, Trump yanenze gahunda ya Irani y’ibitwaro bya misile ndetse n’amasezerano yagezweho na Irani n’umuryango w’Abibumbye mu guhagarika gahunda y’ibitwaro bya kirimbuzi muri 2015.
Ku wa Gatanu, perezida wa Irani, Hassan Rouhani yavuze ko Irani izongera ubushobozi bwayo bwa gisirikare nk’uburyo bwo gukumira.
[xyz-ihs snippet=”google-pub”]
Perezida Trump yitezwe kubwira inteko ishinga amategeko ku itariki ya 15 z’ukwezi gutaha k’Ukwakira ko niba yizera ko Irani yubahirije amasezerano kuri gahunda y’intwaro za kirimbuzi cyangwa niba atekereza ko Amerika yakomeza kuyashyigikira.
Kanda hano ubone amakuru yihuse kandi ku gihe kuri Facebook no kuri twitter
Ntakirutimana Deus @Bwiza.com
