Ku gicamunsi cyo kuwa 25/02/2015 ahagana saa cyenda z’amanywa mu mujyi wa Kigari, Akarere ka Nyarugenge, Umurenge wa Nyarugenge, Akagari ka Biryogo, Umudugudu wa Gabiro aho benshi bamenyereye ku izina rya Tarinyota, habereye umukino wa Damu (jeu de dames)), aho uwatsindwaga yahitaga ahabwa igikombe cy’amazi akakinnywa akakimara.
Mu gihe tumenyereye ko uwatsinze ahabwa igihembo, ho siko byagendaga, ahubwo utsinze yabaga amunywesheje amazi.
Uko umukino wagenze
Nk’uko bimenyerewe mugihe abakanishi n’abacururiza aho muri tarinyota bari kuruhuka, usanga bamwe biteretse icyayi, cyangwa ikawa, abandi bari gukina Damu, Rodo cyangwa igisoro.
Byageze aho bitoramo abahanga babiri bazi Damu kurusha abandi maze bereka abari bahari ibirori, dore ko bagaragaje ubuhanga muri uwo mukino abafana bakanezerwa.
Umukino wahuje uwitwa Shikamukono na Kalipo Catapiler (Kiribatamagambo), bombi bagaragaza ubuhanga buhanitse, Bakinaga bivuga ibigwi abandi bogeza.
Igikombe cy’amazi cyambere cyaherejwe Kalipo amaze gutsindwa igitego, arayanywa arayamara. Batangira undi mu kino nawe aba arishyuye Shikamukono aba yirengeje igikombe.
Ubwo niko bashimisha abafana kubera amagambo bavugaga avanzemo urwenya rwinshi, cyane ko ari abantu bamenyeranye. Kureba uwo mukino byari ibirori bikomeye kubantu bazi uko umukino wa Damu ugenda.
Umukinnyi yaherezaga undi amapiyo akarya agatangira kwizera ko atsinze maze undi akaba amubonye urwaho rwo kumutsinda kubera imitego yari yamuteze.
Uko umukino warangiye
Umukino warangiye ari 3-2, Shikamukono atsinze ibitego bitatu, nukuvuga Kalipo annyweye ibikombe bitatu by’amazi. Naho Kalipo yatsinze ibitego 2 bisobanura ko Shikamukono yanyweye ibikombe 2.
Ariko nubwo KALIPO yatsinzwe ntabwo yanyuzwe, yamusabye ko ubutaha bazongera nyuma y’imyitozo agiye gutangira. Arbitre yari Idrisa akaba ari nawe wasukiraga amazi uwabaga atsinzwe.
Kanda hano ujye ubona amakuru yihuse kandi kugihe kuri Facebook no kuri twitter
KAYIGANA Victor@bwiza.com
