Inyeshyamba zisaga 100 zo mu mutwe wa ADF biravugwa ko ziciwe mu bitero by’indege n’imbunda ziremereye by’igisirikare cya Uganda byo kuwa Gatanu ushize.
Amakuru aturuka mu gisirikare cya Uganda,UPDF, no mu gisirikare cya repubulika iharanira Demokarasi ya Congo,FARDC, agera ku kinyamakuru SoftPower, aravuga koibitero ku nkambi za ADF muri Beni kuwa Gatanu ushize byahitanye inyeshyamba zisaga 100.
[xyz-ihs snippet=”google-pub”]
Igisirikare cya Uganda kikaba cyarakoresheje imbunda zirasa kure n’indege z’intambara mu kugaba ibitero ku nkambi za ADF nyuma y’ibyumweru izi nyeshyamba zihitanye ingabo z’umuryango w’Abibumbye muri Congo zigera kuri 15 zigakomeretsa abasaga 50 mu gitero gikomeye zagabye ku birindiro byazo muri Beni.
Iyi nkuru irakomeza ivuga ko ibyo bitero byakurikiye amakuru y’ubutasi akuriweho na UPDF na FARDC nk’uko byemejwe n’umuvugizi w’ingabo za Uganda, Brig. Gen. Richard Karemire.
Inzego z’ubutasi z’ibi bihugu byombi zikaba zari zabonye amakuru y’uko inyeshyamba za ADF ziteguraga kugaba ibitero ku butaka bwa Uganda.
Nubwo bitoroshye kumenya neza umubare w’abarwanyi ADF ifite muri Kivu y’Amajyaruguru, ngo kwicamo abasaga 100 bishobora kurushaho guca intege ibikorwa by’uyu mutwe ndetse bikangiza ubushake bw’abasigaye.
Mbere yo gutangiza ibi bitero kuri ADF ku butaka bwa Congo, Brig Richard karemire akaba ngo yari yatangaje ko ADF izibasirwa aho izajya ihungira hose.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
