Koreya y’Epfo yashyize u Burundi ku rutonde rw’ ibihugu 59 bifite indwara zandura (maladies contagieuses) nka macinya, indwara y’umuriro w’igikatu (fièvre jaune), iyi ikaba ari indwara ikwirakwizwa n’umubu, igatera ubushyuhe bwinshi bwo mu mubiri, kuva amaraso nko mu mazuru, kuruka n’ibindi, OMS ikaba itangaza ko hafi 50% byabafashwe nayo baba bafite ibyago byo kubura ubuzima.
Iki gihugu cyakoze ubu bushakashatsi kibukoreye ku bantu batandukanye bagiye bakinjiramo bagafatwa ibizamini ari nako birinda ko abaturage bacyo nabo bafatwa n’izo ndwara.
Ni ubushakashatsi bwakozwe n’ ikigo kabuhariwe mu by’ ubuzima, Korea Centers for Disease Control and Prevention (KCDC), kikaba kigaragaza ibihugu bitandukanye byo ku isi, birimo n’ibyo ku migabane ikize nka Amerika.
[xyz-ihs snippet=”google-pub”]
U Buhinde na Siriya byiyongereye kuri uru rutonde mu gihe Nepal, Malawi, Zambia, Dominican Republic bitarimo, nk’ uko bitangazwa n’ikinyamakuru koreatimes.co.kr.
Gusa kugeza magingo aya, hafi u Bushinwa bwose buravugwamo izi ndwara uretse ibice bya Hong Kong na Macau.
Umugabane wa Aziya, agace k’i Burasirazuba bwo Hagati: Pakistan, China, Afghanistan, Saudi Arabia, Qatar, United Arab Emirates, Oman, Yemen, Philippines, India ndetse na Syria.
Afurika : Cameroon, Democratic Republic of Congo (DRC), Republic of Congo, Angola, Benin, Burkina Faso, Burundi, Central African Republic, Chad, Cote d’lvoire, Egypt, Equatorial Guinea, Ethiopia, Gabon, Gambia, Ghana, Guinea, Guinea Bissau, Kenya, Liberia, Mali, Mauritania, Niger, Nigeria, Sierra Leone, Senegal, South Sudan, Sudan, Togo, Uganda, Madagascar, Tanzania, Somalia ndetse na Mozambique.
Amerika: Argentina, Bolivia, Brazil, Colombia, Ecuador, French Guiana, Guyana, Panama, Paraguay, Peru, Suriname, Trinidad and Tobago, Venezuela ndetse na Haiti.
[xyz-ihs snippet=”google-pub”]
Kanda hano ujye ubona amakuru yihuse kandi kugihe kuri Facebook no kuri twitter
Assumpta Gema/Bwiza.com
