Ihuriro CLC, rihuriyemo amashyirahamwe yiganjemo abakirisitu b’Abagaturika muri Repubulika iharanira Demokarasi ya Congo ryahamagariye abaturage indi myigaragambyo yo gusaba perezida Kabila kuva ku butegetsi.
Itangazo iri huriro ryashyize ahagaragara rirgira riti: “Ku itariki 25 tuzindukane n’iyonka, twamagane ubutegetsi bw’igitugu tutarebye ubudasa bw’insengero cyangwa amadini tuyoboka.”
Ni mu gihe biteganyijwe ko amatora y’umukuru w’igihugu muri Repubulika iharanira Demokarasi ya Congo, ateganyijwe kuwa 23 Ukuboza muri uyu mwaka.
Abari gutegura iyi myigaragambyo nk’uko iyi nkuru dukesha VOA ivuga, barasaba perezida Kabila kutazongera kwiyamamaza, bagasobanura ko manda ze 2 yemerewe n’amategeko zarangiye mu 2016.
Umuryango w’Abibumbye ukaba wemeza ko abantu bagera kuri 15 ari bo baguye mu myigaragambyo nk’iyi iheruka mu mpera z’umwaka ushize.
Kanda hano wiyandikishe ( Subscribe) ubona ibiganiro, indirimbo kandi bishya mu mashusho
