Ku butumire bwa mugenzi we, Perezida wa Israel, Isaac Herzog, Umukuru w’Igihugu cya Repubulika ya Demokarasi ya Congo, Antoine Félix Tshisekedi, yageze i Tel-Aviv kuri uyu wa Mbere, itariki ya 31 Kanama 2026, mu ruzinduko rw’akazi.
Muri uru ruzinduko, Umukuru w’Igihugu cya Repubulika ya Demokarasi ya Congo azagirana ibiganiro i Yeruzalemu na Perezida Isaac Herzog ndetse na Minisitiri w’Intebe, Benjamin Netanyahu.
Ibiganiro bizibanda ku mutekano, ubwirinzi, ubuhinzi, ibikorwaremezo, ingufu n’ikoranabuhanga ryo ku rwego rwo hejuru mu nzego z’ingenzi mu iterambere no kubungabunga ubusugire bwa Repubulika ya Demokarasi ya Congo (DRC).
Uru ruzinduko rwa kabiri rwa Perezida Tshisekedi, rukurikira urwo yakoze mu 2021 rwari rugamije gukomeza umubano hagati ya Kinshasa na Tel Aviv.
Iyi ntambwe mu bya dipolomasi ngo yashimangiwe n’uruzinduko Perezida Isaac Herzog yagiriye muri DRC ku wa 11 Ugushyingo 2025, nk’uko byatangajwe n’Ibiro bya Perezida wa Repubulika ya Demokarasi ya Congo.
