Urukiko rwa gisirikare rwo mu Misiri rwakatiye abantu 36 igihano cy’urupfu kubera kugira uruhare mu gutera ibisasu mu nsengero zitandukanye bigahitana abantu benshi.
Muri 2016 na 2017, umutwe wa Islamic State wigambye ko wateye ibisasu ku nsengero za mu mujyi wa Cairo, i Alexandria na Nile Delta. Icyo gihe, abantu bagera kuri 80 bahasize ubuzima.
Abantu 48 nibo bagaragaye imbere y’urukiko bashinjwa kugira uruhare muri ibyo bitero. Abantu basengera mu rusengero rwa Coptic mu Misiri, rumwe mu rwagabyweho ibitero bagize 10% ku ijana by’abaturage bangana na miliyoni 96 batuye iki gihugu.
Nk’uko tubikesha Daily Monitor, ngo mu bihe bitandukanye aba bakirisitu bagiye bagabwaho ibitero bitandukanye n’umutwe wa Islamic State.
Nkurunziza Viateur Bwiza.com
