Umutoza w'Ikipe y'Igihugu 'Amavubi', Stephen Constantine, yatangaje urutonde ntakuka rw'abakinnyi 24 bagomba kwerekeza i Bamako muri Mali, aho Amavubi agomba guhurira na Les Aigles du Mali mu mukino wa gatatu wo mu tsinda K.
Ni umukino uzaba ku wa Gatanu tariki ya 13 Ugushyingo, mbere y'uko amakipe yombi ahurira mu mukino wa kane wo mu tsinda uzabera kuri Stade Amahoro ku wa 17 Ugushyingo 2026.
Mu bakinnyi umutoza Constantine agomba kujyana i Bamako ntiharimo batanu yamaze gusezerera.
Aba barangajwe imbere na Kevin Muhire usanzwe akinira Jamus FC yo muri Sudani y'Epfo, Ganijuru Ishimwe Elie n'umunyezamu Mugisha Yves ba Rayon Sports, Uwiragiye Fidali wa APR FC na Mbonyumwami Thaiba wa Ethiopian Coffee FC.
Kuri ubu Amavubi na Mali zombi ziyoboye itsinda K n'amanota 6 zinganya, ndetse amakipe yombi akaba anganya ibitego 3 azigamye.
Urutonde rw'abakinnyi 24 Amavubi azifashisha kuri Mali
