Umukozi ushinzwe ubutabera mu Karere ka Sheema muri Uganda, Kyomuhendo Annet avuga ko abakobwa umunani batewe inda na ba Se bababyara kuva umwaka wa 2021 watangira.
Ubuyobozi bwo muri ako karere buvuga ko ibi byabaye muri iki gihe hiyongereye ibyaha by’ihohotera rishingiye ku gitsina, gufata ku ngufu n’ubusambanyi. Mu nama yabereye ahitwa Kabwohe, RDC wa Sheema, Frank Besgye Kyereere, yavuze ko ibi biri guterwa no kuba ” Benshi mu bayobozi bo mu nzego z’ibanze bataye akazi, abandi ntibaba aho boherejwe gukora.” Muri ako karere, abakobwa 642 batewe inda batujuje imyaka y’ubukure mu 2021.
