Minisiteri y’Ubuzima mu Rwanda kuri uyu wa 25 Kanama 2020 yatangaje ko abandi bantu 231 banduye icyorezo cya Covid-19, mu bipimo 6128 byafashwe, hakaba hapfuye umuntu wa 15 ufite imyaka 61 y’amavuko.
Aba barimo 196 bapimwe mu masoko ya Kigali. Hari kandi 30 babonetse muri Rusizi bapimwe mu bibasiwe kurusha abandi, 3 babonetse mu Karere ka Rubavu, 1 wabonetse mu Karere ka Huye n’undi wabonetse mu Karere ka Gatsibo.
Abamaze gukira iki cyorezo ni 1806 barimo 21 babonetse uyu munsi, abakirwaye bo ni 1716. Abamaze kugaragaraho iki cyorezo muri rusange ni 3537mu bipimo 378,014 byafashwe muri rusange.
