Ubutegetsi bwa Trump burimo kubuza abaturage b’Abanyamerika muri Repubulika ya Demokarasi ya Congo kujya muri Amerika mu ngendo z’indege z’ubucuruzi, nk’uko byatangajwe n’umukozi wa White House, wavuze ko izi ngamba zafashwe kuva kuwa Mbere.
Iri tegeko, ririmo gukoreshwa hagendewe ku itegeko rigenga gutwara abantu rizwi nka Title 49, rizashyira abaturage ba Amerika muri Congo cyangwa abaherutse kuhagenda ku rutonde rw’abatagomba kwinjira muri Amerika kugeza bamaze nibura iminsi 21 mu gihugu cya gatatu, nk’uko uwo muntu yabitangaje.
Amabwiriza yo kubuza ingendo ntiyigeze atangazwa mbere. Amabwiriza mashya aje mu gihe icyorezo cya Ebola cyakomeje kwiyongera gikwirakwira mu ntara nyinshi muri Congo nk’uko inkuru dukesha Reuters ivuga.
Umubare w’abanduye Ebola wemewe mu gihugu hose wageze ku 1.926, harimo n’abapfuye 702, nk’uko amakuru yatangajwe mu mpera z’iki cyumweru abigaragaza.
Indwara ikunze kwica ikwirakwira binyuze mu guhura kw’amatembabuzi ava ku bantu cyangwa inyamaswa zanduye kandi igatera ibimenyetso birimo umuriro mwinshi, kuruka no kuva amaraso ahantu hose hari umwenge.
Abanyamerika bagera kuri makumyabiri na bari biteguye kujya muri Amerika kuri uyu wa Kabiri ushize nyuma yo kujya muri Congo, nk’uko byatangajwe n’umukozi wa Amerika, wavuze ko Minisiteri y’Ububanyi n’Amahanga izabafasha ndetse n’abandi bagizweho ingaruka mu gihe cyo gutegereza.
Dr. Daniel Jernigan, wahoze ari umukozi mukuru wa CDC wayoboye igikorwa cy’ubutabazi mu gihe cy’icyorezo cya Ebola cya 2014-2015 muri Afurika y’Iburengerazuba, yavuze ko politiki yo “kubuza gufata indege” kugira ngo abaturage ba Amerika babuzwe gutaha mu gihe bafite ibyago bike byo kuba baranduye Ebola ari ikintu kitigeze kibaho.
