Abayoboke b’ishyaka FNL riyobowe na Agathon Rwasa, batawe muri yombi na Polisi y’u Burundi, muri zone ya Buhiga, Komini Buhiga mu Ntara ya Karusi.
Umuyobozi wa zone Buhiga abashinja guteza akaduruvayo, bo bakavuga ko nta kindi bazira uretse kuba bayoboka Agathon Rwasa, utavuga rumwe na Leta n’ubwo ayikorera.
Abo bafashwe ni Ndayiziga Dieudonné, Ndikumana Aimé, Hakizima Firoz, Niyonkuru Abdoul, Irakoze Jean Claude hamwe na Bitangimana Onesime.
Amakuru ava mu ishyaka FNL, avuga ko ibibazo byatangiye ku wa 19 Ugushyingo 2017, ubwo Imbonerakure za CNDD FDD zashyamiranaga n’aba bayoboke ba Rwasa, bose barafashwe ariko nyuma ngo Imbonerakure zo zirarekurwa.
[xyz-ihs snippet=”google-pub”]
Mu buyobozi bw’iri shyaka FNL riyobowe na Rwasa mu ntara ya Karusi, bashimangira ko bagenzi babo bafashwe ku mpamvu ziri politiki, no kuba bari inyuma Rwanda, ubu uri Visi Perezida w’Inteko nshingamategeko y’u Burundi.
Si ubwa mbere havuzwe itabwa muri yombi ry’abayoboke ba Agathon Rwasa, dore ko nawe yagiye avuga kenshi ko afite impungenge z’umutekano w’ubuzima bwe, bitewe n’abo ahora akeka ko bashobora kubuvumuvutsa.
Kanda hano ujye ubona amakuru yihuse kandi kugihe kuri Facebook no kuri twitter
Nsengiyumva Philippe/Bwiza.com
