Abayoboraga Intara ya Catalogne muri Espagne bari baherutse gutangaza ko iyo ntara ibonye ubwigenge bwuzuye bakavanwa ku mirimo yabo bahamagariwe kwitaba urukiko rw’ikirenga.
Bimwe mu byaha bishinjwa abo bayobozi 14 birimo gushaka kwiyonkora no kugumuka, nyuma y’amatora ya kamarampaka yo mu kwezi kwa cumi yemeje ko iyi ntara igomba kwigenga byuzuye.
Urukiko rw’Ikirenga rwa Madrid rwategetse abategetsi 13 na batatu n’uwahoze ayoboye intara ya Catalogne Carles Puigdemont, kurwitaba. Gusa yavuze ko adashobora kurwitaba nkuko bigaragara mu nkuru ya BBC.
Uyu mugabo uri mu Bubiligi yagize ati “Uru ni urubanza rwa politiki,”
Ubutabera bw’icyo gihugu bushohora gusohora impapuro zo guta muri yombi abatazitaba urwo rukiko.
Mu cyumweru gishize, Minisitiri w’Intebe wa Espagne, Mariano Rajoy yategetse ko intara ya Catalogne iyoborerwa i Madrid, ahagarika inteko nshingamategeko y’iyo ntara anahamagarira ko haba n’amatora yihuta.
Ibyo byabaye nyuma y’aho abadepiteb’intara ya Catalogne batoreye itegeko ry’uko iyo ntara ikomeye mu buzima bwa Espagne yigenga.
leta ya Catalogne ivuga ko ibice 43% by’abitabye amatora ya kamarampaka yo mu kwezi kwa cumi, 90% bemeje ko iyo ntara yigenga.
Kanda hano ujye ubona amakuru yihuse kandi kugihe kuri Facebook no kuri twitter
Ntakirutimana Deus/Bwiza.com
