Kuri uyu wa Gatanu, Perezida wa Afurika y'Epfo, Cyril Ramaphosa, yatangaje ko asubizaho umuyobozi wa polisi mu gihugu, amezi atandatu nyuma yo guhagarikwa ku kazi kubera ibirego byo kurenga ku mategeko agenga imari ya leta mu gutanga isoko mu buryo butemewe.
Fannie Masemola, Komiseri Mukuru wa Polisi ya Afurika y’Epfo kuva mu 2022, azakomeza imirimo ye guhera kuwa Mbere nyuma y’uko abashinjacyaha bakuyeho ibirego bifitanye isano n’amasezerano ya serivisi z’ubuzima za polisi afite agaciro ka miliyoni 228 y’Ama-Rand (Miliyoni 13.85$).
Perezidansi yavuze ko abashinjacyaha bategetse gukuraho ibirego byashinjwaga Masemola mu kwezi gushize, hanyuma urukiko rw’ibanze i Pretoria narwo rusiba dosiye nyuma yaho gato.
Abashinjacyaha bashinjaga Masemola kwanga gukorana n’abashinzwe igenzura ry’imari n’igenzura ry’amasoko bifitanye isano n’amasezerano serivisi z’ubuzima za polisi zahaye Medicare24, ibirego ahakana.
Amasezerano yabaye ingingo nyamukuru muri komisiyo ya Madlanga, iri gukora iperereza ku birego bivuga ko imitwe y’abagizi ba nabi yacengeye mu bice bimwe by’inzego z’ubutabera za Afurika y’Epfo n’ubutabera mpanabyaha.