Umugabo witwa Lamonte McIntyre yamaze imyaka 23 afunzwe ashinjwa ubwicanyi nyamara abeshyerwa,agiye guhabwa Miliyoni n’igice y’amadolari ya Amerika. Intumwa Nkuru ya Leta ya Kansas, Derek Schmidt kuwa Mbere tariki 24 Gashyantare yatangaje ko uyu mugabo azahabwa aya asaga miliyari ya Frw ku bwo gufungwa azira akamama k’imfu ebyiri z’abantu; Donald Ewing na Doniel Quinn mu 1994. Derek avuga ko hasuzumwe ibimenyetso bigaragaza ko Lamonte arengana. Avuga ko hari ibimenyetso byari byarabonetse ariko ntibitangwe mu iburanisha ryabanje. Hisunzwe amategeko, Lamonte akaba azishyurwa ariya mafaranga. Lamonte yari afite imyaka 17 ubwo yahamwaga n’icyaha cy’ubwicanyi. Yabwiye CNN ko nta mujinya afite ariko ko ababajwe n’akarengane yagiriwe yumva kataba ku wundi muntu. Avuga ko yishimiye gusubizwa uburenganzira bwe nk’abandi baturage.
2 Responses
Agiye guhabwa akayabo nyuma yo gufungwa imyaka 23 abeshyerwa
Ese iwacu ibi birashoboka?
Agiye guhabwa akayabo nyuma yo gufungwa imyaka 23 abeshyerwa
Ese iwacu ibi birashoboka?