Umuryango w’umuhanzi w’indirimbo zihimbaza Imana Gentil Byishimo Mutabazi Misigaro (Gentil Misigaro) n’umugore we, Rhoda Mugiraneza wungutse imfura.
Byatangajwe na Rhoda abicishije ku rubuga rwa Instagram mu gitondo cy’uyu wa 4 Nzeri 2020. Ati: “Shimwa Mana wowe waduhaye impano nziza ku Isi.”
Uyu mwana wahawe izina rya Abraham Misigaro, umubyeyi we yamuhaye ikaze, mu byishimo byinshi ashimira umugabo we, ati: “Ngushimiye ko uri umugabo mwiza cyane ku Isi.”
Gentil Misigaro na we abicishije kuri uru rubuga, yatangaje ubutumwa bwuje ibyishimo. Yagize ati: “Umwana w’umuhungu araje, nk’uko nguko ubuzima buri kimwe kirahindutse. Isi ibaye nini, umutima nawo uruzuye, ubuzima nabwo busobanuye byinshi kubera umuhungu wanjye. Ababyeyi bawe turagukunda cyane.”
Gentil Misigaro na Gentil Misigaro bashakanye tariki ya 16 Werurwe 2019 mu bukwe buhebuje bakoreye i Kigali, ku munsi uyu mugore yanizihirizagaho isabukuru y’amavuko. Ubu uyu muryango uherereye muri Canada.
Iki gihe Rhoda yari akuriwe
Bakoze ubukwe buhebuje ku isabukuru y’amavuko ya Rhoda
