Mgr Papias Musengamana kuri uyu wa Gatandatu tariki 14 Gicurasi 2022, yahawe ubwepiskopi ngo ayobore Diyosezi Gatolika ya Byumba, aho asimbuye Mgr Servilien Nzakamwita wari umaze imyaka 26 ku ntebe y’ubushumba. Uku gutanga ubweskopi kwabereye kuri Stade ya Gicumbi muri Diyosezi Gatolika ya Byumba. Minisitiri w’Intebe Edouard Ngirente yitabiriye uyu muhango. Witabiriwe kandi n’abantu benshi barimo; abakirisitu, abasirikare, abihayimana n’abategetsi muri Leta; Minisitiri w’Uburezi, Dr Uwamariya Valentine, Minisitiri w’umutekano, Alfred Gasana, Minisitiri Gatabazi Jean Marie Vianney, w’Ubutegetsi bw’Igihugu n’abandi. Mgr Musengamana afite intego ivuga ngo “In Caritate et Misericordia” bivuze ngo ’Mu rukundo n’Impuhwe’. Uhagarariye abapadiri ba Diyosezi ya Byumba, Mgr Alfred Rutagengwa, avuga kuri Mgr Nzakamwita. Ati “Ni urukundo n’impuhwe byaranze, Mgr Nzakamwita na Diyosezi ya Byumba, yarayibungabunze nayo iramukundira maze ayobokana na yo inzira y’ubumwe n’ubwiyunge, bukaba bwarahawe icyicaro mu muryango, ishingiro ry’ikenurabushyo muri diyosezi nziza ya Byumba.” Amafoto: @RBA
Minisitiri w’Intebe, Edouard Ngirente yitabiriye uyu muhango
