Mu gitondo cyo kuri uyu wa Mbere tariki ya 08 Werurwe, abakinnyi b’ikipe y’igihugu Amavubi babyukiye mu myitozo bitegura imikino ibiri yo gushaka itike y’igikombe cya Afurika kizabera muri Caméroun bafite mu minsi iri imbere.
Ni imyitozo yabereye kuri Stade ya Kigali i Nyamirambo.
Ni imyitozo yitabiriwe n’abakinnyi bakina imbere mu gihugu, bijyanye n’uko umunani bakina hanze y’u Rwanda bahamagawe bakiri kumwe n’amakipe yabo.
Imyitozo yo mu gitondo yibanze mu yo kugorora umubiri, mu gihe iyo biteganyijwe ko iyo kuri iki gicamunsi aba ari yo iza kwibanda ku buhanga bwo mu kibuga.
Amavubi y’u Rwanda azahura na Mozambique ku wa 24 Werurwe 2021 mu mukino uzabera kuri Stade ya Kigali, nyuma y’iminsi itandatu ahure na Caméroun mu mukino uzabera muri Cameroon.
Amafoto: @FERWAFA
Kurikira ibiganiro n’amavidewo binyura kuri Bwiza TV
