Minisitiri Nduhungirehe Olivier yitabiriye igitaramo cya The Ben muri BK Arena aho yaje no guhura n’uyu muhanzi na bagenzi be bari Tom Close na Otile Brown wo muri Kenya.
Ni igitaramo cyabaye mu ijoro ryo ku wa 1 Mutarama 2025 muri BK Arena aho cyari cyiswe “The New Year Groove & Launch Album.”
Intego z’iki gitaramo cyari kigamije kwinjiza Abanyarwanda mu mwaka mushya no kumurika album ya The Ben nshya yise “Plenty Love”.
Minisitiri w’Ububanyi n’Amahanga, Amb. Olivier Nduhungirehe, yitabiriye iki gitaramo, agaragaza ko cyamushimishije.
Abinyujije kuri X yagize ati: “Igitaramo cyiza cya The Ben. Nyuma y’igitaramo nagize umwanya wo guhura nawe ndetse ndamusuhuza, hamwe na Tom Close na Otile Brown, uri mu bahanzi beza muri Kenya no muri Afurika y’Iburasirazuba.”
Iki gitaramo cyagaragaje ubwitabire bwo hejuru, kirushaho kwerekana iterambere ry’umuziki nyarwanda ku rwego mpuzamahanga.
