Urwego rwa Leta Zunze Ubumwe z’Amerika rushinzwe gusuzuma imiti n’ibiribwa, FDA rwemeje ko umuti wa Remdesivir watangira kuvura abarwayi b’icyorezo cya Covid-19 mu buryo bwihutirwa.
Uyu muti wabanje kwemerwa n’impuguke mu bumenyi bw’ubwirinzi bw’umubiri (immunology) mu biro bya Perezida Donald Trump, Dr. Anthony Fauci uri mu bavumbuye umuti ugabanya ubukana bwa virusi itera SIDA ndetse n’uyu Mukuru w’Igihugu.
Umuyobozi wa FDA, Stephen Hahn mu nkuru ya BBC yashimishijwe n’intambwe iki gihugu kimaze gutera mu gushakisha umuti w’iki cyorezo. Ati: “Twishimiye ko uyu ari wo muti wa mbere wemejwe na Covid-19.”
Remdesivir ni umuti wageregerejwe kuvura icyorezo cya Ebola. Ikigo cy’Amerika gishinzwe iby’indwara zandura, NIAID cyatangaje ko uyu muti ushobora kugabanya iminsi Covid-19 imara mu mubiri w’umutu, kugeza kuri 11. Hakozwe igerageza ku bantu 1063 mu bitandukanye ku Isi, abantu 8% gusa bawunyoye, nibo bapfuye mu gihe 92% bakize.
