Baziki wari umaze imyaka 8 muri Staff y’Amavubi yapfuye

Baziki Jean Pierre wari umaze imyaka umunani muri Staff Technique y’ikipe y’igihugu ‘Amavubi’, yitabye Imana kuri uyu wa Mbere azize uburwayi.

Baziki ‘Peter’ yari asanzwe ari Kit Manager (ushinzwe ibikoresho) mu kipe y’igihugu.

Inkuru y’urupfu rwe yanemejwe na FERWAFA, yihanganisha umuryango we.

FERWAFA kuri Twitter yagize iti: “Tubabajwe no kubamenyesha inkuru y’incamugongo y’urupfu rw’uwahoze ari umukozi ushinzwe gucunga ibikoresho (kit Manager) mu ikipe nkuru y’igihugu BAZIKI Pierre witabye Imana azize uburwayi. FERWAFA yihanganishije umuryango wa nyakwigendera. Ruhukira mu mahoro Pierre.”

Amakuru avuga ko yaguye mu bitaro bya Kigali (CHUK) aho yari amaze iminsi arwariye.