Abayoboke b’ishyaka rya Sahwanya FRODEBU muri zone ya Mitakataka muri komini ya Bubanza n’intara ya Bubanza (mu burengerazuba bw’u Burundi) baramagana ibikorwa byo kutoroherana muri politiki nyuma y’uko ingoro y’iri shyaka yibasiwe n’abantu ku giti cyabo abaturage n’abayoboke b’iri shyaka bavuga ko ari Imbonerakure (urubyiruko rwa CNDD-FDD).
Mu ijoro ryo ku wa 6 Nyakanga, amarangi y’iri shyaka rya FRODEBU yashushanyijwe ku nkuta z’ibiro byayo yahanaguwe n’abo bantu asimbuzwa irangi ry’umukara.
Urubyiruko rwo mu ishyaka rya CNDD-FDD rutungwa intoki n’abarwanashyaka ba FRODEBUnk’uko iyi nkuru dukesha SOS Médias Burundi. Ikomeza ivuga.
Abayoboke ba FRODEBU bati: “Abasore bane bo mu ishyaka riri ku butegetsi babigizemo uruhare. Twese tuzi babiri bari abayobozi: Désiré, uhagarariye iri shyaka muri zone ya Mitakataka na Jules, umuyobozi wa Imbonerakure muri iyi zone. ”
Ibi bishimangirwa n’abenegihugu.
Bati: “Twabonye n’amaso yacu aba barwanashyaka b’ishyaka riri ku butegetsi bakora iki gikorwa giteye isoni ariko twatinye kubamagana. Bashobora gukora ikintu icyo ari cyo cyose. Bashobora kutwica bamenye ko twabavuze. ”
Abayoboke ba CNDD-FDD bahakanye ibyo birego.
One Response
Bubanza: Ingoro y’ishyaka FRODEBU yibasiwe n’abavugwaho kuba Imbonerakure
Iyi ni ingoro ya Frodebu cyangwa ni inzu y,umutindi