Minisitiri w’Ubuzima mu Burundi, Thaddée Ndikumana kuri uyu wa 31 Werurwe 2020 yemeje ko mu Burundi hatahuwe abarwayi babiri ba Coronavirus.
Aba barwayi ni aba mbere babonetse muri iki gihugu, bakaba bari mu kato mu bitaro bya Buremec.
Aba barwayi bombi ni Abarundi umwe ufite imyaka 42 y’amavuko, undi afite 56. Minisitiri Ndikumana yabwiye itangazamakuru ko umwe yageze mu Burundi aturutse mu Rwanda, undi akaba yaraturutse i Dubai.
U Burundi na Sudani y’Epfo ni byo bihugu biri mu Muryango w’Afurika y’Iburasirazuba bitari byakagaragayemo umurwayi wa Coronavirus. Mu Rwanda harimo 75, Tanzania ni 19 (umwe yapfuye), Kenya ni 50, Uganda ni 33.
Icyitonderwa: Iyi mibare yo muri ibi bihugu ishobora guhinduka.
