Minisiteri y’Ubuzima mu Burundi kuri uyu wa 13 Mata 2020 yemeje ko umuntu wa mbere muri iki gihugu yishwe n’indwara y’icyorezo ya Covid-19.
Amakuru yakwirakwiye ku mbuga z’abanyamakuru bo mu Burundi avuga ko umuntu wa mbere muri batanu bagaragayeho indwara y’icyorezo ya Covid-19 yapfuye kuri uyu wa 12 Mara 2020, koko bikaba byemejwe n’iyi Minisiteri.
#Burundi Ce dimanche le 12/4/2020, une personne testée COVID-19 positive qui était hospitalisée en soins intensifs à l'hôpital Kira est décédée suite aux complications liées à d'autres pathologies associées ! dixit Dr @GIRUKWISHAKAJe2 , Porte Parole du MSPLS @dr_thaddee
— Ministère de la Santé Publique Burundi(MSPLS) (@mspls_bdi) April 13, 2020
Uyu ni umwe mu barwayi babiri batangajwe na Minisitiri w’Ubuzima, Dr. Thadée Ndikumana kuri uyu wa 11 Mata mu kiganiro yagiranye n’itangazamakuru.
Itangazo Minisiteri y’Ubuzima mu Burundi yashyize ahagaragara kuri uyu wa 11 ryavugaga ko abandi barwayi 4 bameze bimeze keretse uyu wa gatanu wajyanwe aho bavurira indembe mu bitaro byigenge bya Kira, akaba ari na we wapfuye.
Uyu wapfuye ni umugabo w’imyaka 41 y’amavuko utarigeze akorera ingendo mu mahanga. Yajyanwe ku bitaro bya Kira nyuma yo kubona ko ubuzima bwe bukomeje kuba bubi, kugira ngo ahabwe ubufasha bwisumbuye.
Umunyamakuru Esdras Ndikumana ukorera Radio Mpuzamahanga y’Abafaransa (RFI) n’Ibiro Ntaramakuru by’Abafaransa (AFP) mu Burundi, yari yavuze ati: ” Kuri iki cyumweru, umuntu wa mbere wari urwaye Covid-19 yapfiriye mu bitaro bya Kira. Nta ngendo yagiriye mu mahanga, yanduriye imbere mu gihugu.”
Urupfu rw’uyu Murundi rukurikiye urw’umuhanzi Lélonard Niyomwungere uzwi ku ndirimbo yitwa ‘Abantu’ wapfiriye muri Malawi tariki ya 10 Mata 2020 azize Covid-19.
