Ikipe ya APR FC yamaze kugera mu Misiri aho igiye gukina na Pyramids FC mu mukino wo kwishyura wa CAF Champions League uteganyijwe ku Cyumweru.
Itsinda ry’iyi kipe riyobowe na Lt Col Jean Paul Ruhorahoza ryakiriwe mu Misiri na Col Frank Bakunzi, uhagarariye u Rwanda mu bya gisirikare muri Ambasade iri i Cairo.
Abakunzi b’iyi kipe bavuga ko intekerezo zose zerekejwe ku mukino wo kwishyura, nyuma y’uko umukino ubanza wabereye i Kigali warangiye APR FC itsinzwe na Pyramids FC ibitego 2-0.
Ubuyobozi bwa APR FC bwatangaje ko abakinnyi n’abatoza biteguye bihagije kandi bizeye kwitwara neza, kugira ngo bashobore kugera mu kindi cyiciro cya CAF Champions League.
