Covid-19: USA yongereye u Burundi mu bihugu byibasiwe kurusha ibindi

Ni nyuma y’iminsi 6 iki kigo gishyize u Burundi ku rutonde rw’ibihugu bifite ubwandu buke bw’iki cyorezo ku Isi, aho byagaragaraga ko iki gihugu ari cyo kimeze neza mu Karere ka Afurika y’Iburasirazuba no mu k’Ibiyaga Bigari.

Hashize iminsi 6 CDC ishyize u Burundi mu bihugu bifite ubwandu buke. Soma iyi nkuru hano https://bwiza.com/?USA-yashyize-u-Burundi-mu-bihugu-bifite-ubwandu-buke-bwa-Covid-19

Hashingiwe kuri uru rutonde, CDC irabuza Abanyamerika gukorera ingendo mu Burundi, keretse mu gihe byihutirwa ariko nabwo abanza gusabwa kwikingiza Covid-19 mu buryo bwuzuye.

Igira iti: “Mwirinde gukorera ingendo mu Burundi, mu gihe ari ngombwa, mumenya neza niba mwarabanje kwikingiza mu buryo bwuzuye, mbere y’uko mujyayo.” Isobanura iti: “Kubera ko mu Burundi ubu ngubu, n’abakingiwe mu buryo bwuzuye bashobora kugira ibyago byo kwandura no gukwirakwiza Covid-19.”

Ibihugu byo mu Karere ka Afurika y’Iburengerazuba, ari byo: u Rwanda, Uganda na Sudani y’Epfo byose biri kuri uru rutonde. Kenya iri ku rutonde rw’ibihugu bifite ubwandu buringaniye, Tanzania yo iri ku rw’ibihugu bidafitiwe amakuru kuri iki cyorezo.