Polisi ya Tanzania mu Mujyi wa Dar- Es Salaam (Dar) ivuga ko yataye muri yombi umusore w’imyaka 34 witwa Shedrack Kapanga, wari umukozi wo mu rugo, ukekwaho kwica nyirabuja, Emmy Mutayoberwa n’abana be babiri b’abakobwa; Daniela Mutayoberwa na Damita Mutayoberwa. Polisi nk’uko Millardayo ibitangaza, ivuga ko iperereza ry’ibanze ryerekana ko Kapanga yaba yarishe uyu muryango kuko “Bamutonganya buri kanya.” Umwe mu bayobozi wa Polisi muri Dar,Muliro Jumanne yabwiye Radio One ko ubu bwicanyi bwabaye kuwa 9 Kamena 2021, ahitwa Masaki mu Mujyi wa Dar. Uyu mupolisi ntavuga uburyo Kapanga ayaba yarabashije kwica abantu batatu icyarimwe. Avuga ko Kapanga yafashwe kuwa 11 Kamena ari ahitwa Magomeni, arimo kugerageza gutoroka. Kurikira ibiganiro n’amavidewo binyura kuri Bwiza TV
Daniela, Emmy na Damita Mutayoberwa biswhe/ Millardayo
