Dr. Col. (Rtd) Kizza Besigye Kifefe yituye hasi ubwo yari mu rukiko kuri uyu wa 29 Nyakanga 2026, ajyanwa mu bitaro ikitaraganya.
Ibinyamakuru byo muri Uganda biri kuvuga ko iburanisha ryahise risubikwa rikazasubukurwa mu gihe kiri imbere.
Dr. Kizza Besigye, umwe mu banyapolitiki batavuga rumwe n'ubutegetsi muri Uganda, ubu araregwa cyane cyane icyaha cy'ubugambanyi bwo kugambanira igihugu (treason) mu rukiko rwa gisivili. Ubushinjacyaha bumushinja we na bagenzi be barimo Hajj Obeid Lutale na Capt. Denis Oola kuba baracuze umugambi wo gukuraho ku butegetsi Guverinoma ya Uganda.
Aba bose bahakana ibirego baregwa, bakavuga ko biri ku mpamvu za politiki.
Mu 2025 no mu 2026, habaye impaka nyinshi zishingiye ku buryo yafashwe akavanwa muri Kenya akagezwa muri Uganda, ndetse n'uburenganzira bwe mu rubanza. Abunganira Besigye bavuga ko uburenganzira bwe bwarenzeho, basaba ko urubanza ruhagarikwa cyangwa rugateshwa agaciro. Ariko inkiko zakomeje kwemeza ko urubanza rw'ubugambanyi rukomeza kuburanishwa.