Ku gicamunsi cyo kuri uyu wa Kabiri ushize, Akanama gashinzwe Amahoro n’Umutekano ka AU kaganiriye na Dr. Donald Kaberuka, Umuyobozi Mukuru wa AU ushinzwe gushakira inkunga Umuryango n’Ikigega cy’Amahoro cya AU. Baganiriye ku ikoreshwa ry’ikigega n’ingamba zo gushakisha inkunga irambye y’ibikorwa by’amahoro muri Afurika.
Donald Kaberuka yashimangiye ko AU ikeneye gushingira ku buryo bwayo bwite, burimo, Ikigega cy’Amahoro ( Peace Fund), ubufatanye n’abikorera n’ubufatanye n’ibigo by’imari.
Yashimangiye kandi ko ari ngombwa uburyo bunoze bwo kugera ku nkunga y’Umuryango w’Abibumbye binyuze mu kugabana bingana imitwaro mu rwego rwo gushyigikira ibikorwa by’amahoro biyobowe na Afurika.
Komiseri wa AU, Bankole Adeoye, yasabye ko hashyirwa ingufu nyinshi mu bikorera ku giti cyabo, ibigo by’imari bya Afurika n’abafatanyabikorwa, ashimangira ko hakenewe kurushaho gukoresha neza Ikigega cy’Amahoro cya AU bijyanye na politiki yayo.
Ibiganiro byibanze ku kongera inkunga n’ubufatanye kugira ngo Afurika ikemure ibibazo by’amahoro n’umutekano.
