Umuryango w’Ubukungu w’ibihugu bya Afurika y’Iburengerazuba (ECOWAS) ku Cyumweru wategetse kohereza ingabo z’akarere muri Bénin nyuma yo gushaka guhirika ubutegetsi.
Nk’uko byatangajwe na ECOWAS, ngo ingabo zizaba zirimo abasirikare baturutse muri Nigeria, Sierra Leone, Cote d’Ivoire, na Ghana. Itangazo rivuga ko izo ngabo zizafasha guverinoma n’Igisirikare cya Bénin “kubungabunga umutekano w’itegeko nshinga n’ubusugire bwa Repubulika ya Bénin.”
Icyemezo cyo kohereza gikurikira itangazo ryabanje rya ECOWAS aho yiyemeje gushyigikira Benin mu kurengera itegeko nshinga ryayo n’ubusugire bwayo mu buryo bwose bukenewe,’ harimo no kohereza ingabo z’akarere.
Ku Cyumweru, itsinda ry’abasirikare bo muri Bénin ryavugiye kuri televiziyo ya leta ko bakuye Perezida Patrice Talon ku butegetsi maze bagena Lt Col. Pascal Tigri ngo ayobore komite ya gisirikare yari kuyobora igihugu.
Minisitiri w’umutekano w’igihugu, Alassane Seidou, ariko, nyuma yagaragaye kuri televiziyo y’igihugu avuga ko kugerageza guhirika ubutegetsi kw’“itsinda ry’abasirikare” byaburijwemo, asaba abaturage gukomeza imirimo yabo ya buri munsi.
Kugerageza guhirika ubutegetsi gukurikira ihirika ry’ubutegetsi rya gisirikare muri Guinea-Bissau mu mpera z’Ugushyingo, ryashyizeho Gen. Horta Inta-A nka perezida w’inzibacyuho.
