Ese Ababiligi baba baratwaye umugogo w’ umwami Yuhi IV Musinga iwabo?

23

Mu gihe, abagize komisiyo mbonezamubano muri Sena batangiye kwibaza ku ndangamurage nyarwanda zibitswe nabi ndetse n’iziri mu mahanga, Visi Perezida w’ Umutwe wa Sena, Jean d’Arc Gakuba yasabye ko umugogo w’ umwami Yuhi IV Musinga wavanywa mu Bubiligi ukazanwa mu Rwanda.
Mu rwego rwo kumenya amakuru y’ impamo kuri iki kibazo gikunze gutera impaka aho bamwe bavuga ko umugogo wa Musinga wajyanywe mu Bubiligi abandi bakemeza ko yapfiriye i Moba muri Katanga, Umunyamateka, Dr. Nkaka Raphael avuga ko nta kintu gifatika kibisobanura.
Mu kiganiro kirambuye yagiranye na Bwiza.com ku murongo wa Telefoni, kuri uyu wa Kane tariki ya 7 Ukuboza 2017, Dr. Raphael Nkaka avuga ko nta kintu gifatika cyerekana ko umgogo w’ umwami Yuhi IV Musinga waba uri mu Bubiligi.
Nk’ umushakashatsi, Dr. Nkaka ntiyashatse kugira menshi atangaza, ariko abazwa niba nta mwihariko abami b’ u Rwanda bari bafite akaba ari imwe mu mpamvu zaba zaratumye abakoloni batwara umugogo wa Musinga.
Yagize ati “Nta mwihariko abami bacu bari bafite ahubwo impamvu imigogo n’ ibindi bisigazwa by’ amateka bijyanwa, ni ukugirango bipimwe uburebure bw’ amagufu muri za laboratwari zabugenewe bityo bifashe mu bushakashatsi nta bwiru bubirimo”.
[xyz-ihs snippet=”google-pub”]
Yashimangiye ko nta kindi gitangaza Abami b’ u Rwanda bari bafite agereranyije na bagenzi babo bo muri za Bunyoro, Buganda, Bunyabungo …, ngo ahubwo abakoloni muri rusange basanze akarere kose gakikije u Rwanda rufite ubwami (kingdoms)”.
Aha, na none ,Dr. Nkaka yanavuze kandi ko iyo sosiyete ziri kuvuga amateka yazo zikunda gukoresha amakabyankuru kugirango zumvishe abandi ubutwari budasanzwe.
Yahise agira ati “Nibyo koko Ruganzu II Ndoli yakoze amateka menshi kandi akomeye ariko ari ibyo abantu bamuvugaho bikabije kandi bitakorwa n’ umuntu.
Umuhungu w’ umwami w’ umurwanyi Kigeli IV Rwabugiri, Musinga yimye ingoma afite imyaka 9 y’ amavuko ariko aza kuba umwami uganje nyuma ya Coup d’ Etat yo ku Rucunshu muri 1896.
Yuhi IV yategetse kuva 1986- 1931 ariko abakoloni bamaze kugera mu Rwanda ntiyahuza nabo kubera bifuzaga kumutegeka uko bifuza ibyo bituma bamuca ku ngufu ahungira i Moba muri Congo-Kinshasa aho yaje kugwa muri 1944.
Abazungu bahoraga Musinga ko yanze kuyoboka idini rya Gikiristu ndetse ko atanashakaga amatwara y’ ubukoloni bitaga ko yaje kuyobora umwirabura no kumukura mu icuraburindi.
Yasimbuwe n’ umuhungu we, Mutara III Rudahigwa(1931-1959) wari ujijutse kandi yemeye kubatizwa ku mazina ya Charles Léon Pierre muri 1946 ndetse anagabira u Rwanda umwami Kritsu kuri Paruwasi ya Christ Roi i Nyanza.
[xyz-ihs snippet=”google-pub”]
Kanda hano ujye ubona amakuru yihuse kandi kugihe kuri Facebook no kuri twitter
Gaston Rwaka/Bwiza.com


 

Musubize:

Tanga igitekerezo
Andika amazina