Guy Kabombo Muadiamvita, Minisitiri w’Intebe wungirije akaba na Minisitiri w’Ingabo za Repubulika ya Demokarasi ya Congo, muri iki cyumweru yasuye Ishuri Rikuru rya Gisirikare rya Misiri rigezweho mu rwego rwo kugira ngo agire icyo yiga ku buryo bwo gutegura no gutoza abasirikare.
Aherekejwe n’intumwa za Congo, Minisitiri w’Ingabo yasuye ibikoresho n’uburyo bw’amahugurwa by’iri shuri rya gisirikare, rizwiho gutanga amasomo yo ku rwego rwo hejuru.
Nk’uko Minisiteri y’Ingabo ya Congo ibivuga, uru ruzinduko rwari rugamije kumenya ibintu bishobora gufasha mu kuvugurura ibigo by’amahugurwa by’Ingabo za Repubulika ya Demokarasi ya Kongo (FARDC).
Minisiteri y’Ingabo ya Congo yagize iti: “Uru ruzinduko rwatumye intumwa za Congo zibonera imbonankubone ahantu ho guhugurira hazwiho gusaba byinshi n’amahame meza.”
Nyuma y’ubutumwa, hari gutekerezwa kohereza abasirikare bo ku rwego rwa ba “sous-officiers” na ba “officiers subalternes” ba Congo mu Misiri mu minsi iri imbere kugira ngo bahabwe amahugurwa akataje agamije kongera ubushobozi bwabo mu buyobozi.
